Балқаш қаласының білім бөлімінің басшысы Дубірбекова Қарлығаш Шәкәрімқызы оқу үдерісінде басқару форматын өзгерту мен заманауи технологияларды қолданудың маңыздылығын атап өтті, сондай-ақ оқушыларды практикалық тұрғыда дайындауға ерекше назар аударды.
А. Ермеков атындағы мектеп-лицейінің директоры Алишева Шынаргүл Амангелдинқызы оқу орнының жетістіктері туралы баяндап берді. Мектеп Қазақстан Республикасы БҒМ-нің аккредиттелген білім беру ұйымдары тізіліміне енген және «The Ustaz Ulytau Educational Foundation» қоры мен басқа да білім беру қорлары мен ұйымдарының серіктесі болып табылады. 2025 жылдан бастап мектеп Canadian International School Astana мекемесімен ынтымақтастықты бастаған. Бірлескен іс-шаралар мен тәжірибе алмасу жоспарланып отыр.
Шынаргүл Амангелдіқызы Ұлыбританияның білім беру тәжірибесін енгізу бойынша жұмыс тәжірибесімен бөлісті. Атап айтқанда, мұғалімдерді белсенді жұмысқа тарту және ағылшын тілі мен тарих сабақтарында «аударылған сынып» (Flipped Classroom) әдісін қолдану туралы айтып өтті.
Сонымен қатар, мектепте өнер мектебімен бірлесе отырып арт-студия ашылды, «ERMEKOV NEWS» мектептік газеті мен радио іске қосылды. Сондай-ақ, ғылыми зерттеу сапарлары мен тәжірибе алмасуды көздейтін «Жас Ермековшылар» ғылыми клубы жұмысын бастады.
Кәсіптік бағдарлауға ерекше мән берілуде. «Қайнар» өлкетану музейі аясында оқушылардың ата-аналарының мамандықтары туралы ақпарат ұсынылды, сондай-ақ түрлі кәсіптер мен қазақ тілін үйрету әдістемелері бойынша шеберлік сабақтары мен таныстырылымдар өткізілді.
Мектеп-лицейде STEM бағытындағы жобалар белсенді дамып келеді. Олардың қатарында «АГРОКЛАСС: АУЫЛ ШАРУАШЫЛЫҒЫНА ҚАДАМ» және STEAM жобалары бар. Түрлі пәндер бойынша ғылыми жұмыстар ұсынылған, оның ішінде Черникова Арина Солтүстік Прибалқаш өңірінде раушан гүлдерін өсіру туралы жобасымен көзге түсті.
