⚜️22 наурыз – Әз-Наурыз мерекесіне орай Әлімхан Ермеков атындағы мектеп-лицейінде «Достық дастарханы» атты ұлттық тағамдар көрмесі ұйымдастырылды. Бұл іс-шараның басты мақсаты – түрлі халықтардың мәдениеті мен дәстүрлерін дәріптеу, бірлік пен ынтымақты нығайту.

Көрмеге мектептің оқушылары, ұстаздары және ата-аналар белсене қатысты. Әр сынып өзіне бөлінген ұлттың ұлттық тағамдарын дайындап, олардың тарихы мен маңыздылығын таныстырды. Қазақтың бауырсағы мен қазылы қартасынан бастап, өзбек палауы, орыс құймағы, татар бәлеші, кавказ хачапурилері және басқа да көптеген халықтардың дәстүрлі тағамдары дастарханға қойылды.

Мереке барысында қонақтарға тек тағамдар ұсынылып қана қоймай, әр халықтың ұлттық киімдері, әдет-ғұрыптары мен салт-дәстүрлері де таныстырылды. Ән айтылып, күй тартылып, би биленіп, көрермендерге ерекше әсер сыйлады.

Бұл шара мектеп қауымдастығы үшін тек дәмді тағамдар мерекесі ғана емес, әр ұлттың мәдениетін құрметтеуге, ортақ құндылықтарды дәріптеуге бағытталған тәрбиелік мәні зор мереке болды. Ұлыстың ұлы күні – Әз-Наурыз әр шаңыраққа құт-береке әкелсін!